𝐏𝐎𝐑𝐓𝐔𝐆𝐀𝐋 𝐀𝐏𝐎𝐈𝐀 𝐅𝐎𝐑𝐌𝐀𝐒𝐀𝐔𝐍 𝐑𝐄𝐊𝐔𝐑𝐒𝐔 𝐇𝐔𝐌𝐀𝐍𝐔

Sua Eselénsia Ministru Petróleu no Rekursus Minerais, Francisco da Costa Monteiro, simu vizita husi Sua Eselénsia, Embaixadora Portugal iha Timor-Leste, Maria Manuela Freitas Bairros, hodi ko’alia kona-ba relasaun bilateral entre nasaun rua.

Iha sorumutu ne’e, Eselénsia Ministru mos aprezenta importánsia husi seitór petróleo no rekursus minerais, ba dezenvolvimentu ekonómiku no manifesta disponibilidade Timor-Leste nian, hodi simu empreza portugueza ne’ebé hakarak investe iha seitór ne’e.

Dadaun ne’e, Ministériu Petróleu no Minerais prepara hela kuadru legal hanesan Petroleum Mining Code, Tax Regime no Production Sharing Contract, hodi loke dalan ba negosiasaun, nune’e bele garante kadoras Greater Sunrise mai Timor-Leste.

Embaixadora Maria Manuela Freitas Bairos deklara disponibilidade Portugal nian, hodi oferese bolsa estudu ba Timor-oan sira, hodi prepara rekursu humanus kualifikadus.